عايز أقولك
يا حبيبتي من غيرك إنت
أنا شيء تانى مش أنا
أكدب عليك لو قلتلك
إني أعرفه أو حتى أوصفه
لكن بقولك
إنك إنت
عنواني وسكتي
والنور ايللي منور
دنيتي
مش راح أقولك
إني بحبك
ما إنت عارفه
إني حبك مخلوق معايا
و مالي عليا وحدتي
يا حبيبتي إنت حاسه
انى بدوب من أي همسه
جيالي منك بالشوق مغمسه
بحسها لمسة دفا
من نبع كله صفا
هو طبعك كده
معروف عنه الرضا
إزاي أنخدع فيه ياكل الوفا
انا شايف بكره جاي
يضحك لنا ...
طاير فى سمانا
بجناحين حب و مودة....
أما النهاردة يا حبيبتي
مقسوم لنا..
فرحه جاية متبسمة
متنسمه بعطر المحبة.....
تسقينا أمل بكره
حبه بحبه
يارب كل الأحبة تعيشها زينا......
يا حبيبتي أقولك تاني من جديد ........
إن حبك هو فجرى.... هو عطري
هو ميلادي السعيد
عايز أقولك يا عمرى انا ....
إن حبك مش بعرفه النهارده
ولا حتى من كام سنة ....
أنا عرفته لما حسيت بالسعادة
ويَّا شوية م الهنا...
ولما نورتي حياتى
ودقت طعمها قلت آه.....
افتكرت لما كنت بحلم و أتخيلك
ضلة جنب قمره
وغصن برتاح تحت منه الا انه ....
غصنك إنت في الحقيقة
كان أجمل كتير من خيالي ....
ولسه بقول فى عقل بالى .....
معقول يا قلبى إيللى حسيته زمان ........
حقيقة حلوه بعيشها دلوقتي فى حياتى ......
عايز أقولك يا حبيبتي
إنك إنت كلك إنت
أغلى من حياتى .........
كلمات / محيى زقزوق
السبت 24/12/2011م
ليست هناك تعليقات:
إرسال تعليق