ــــــــــــــــــــــــــــــ؛
رجاء .....
لا تطيلى الغياب
فــ بالجوار نبض
دائما بانتظارك
و فجر يبتسم
من ثغرك ضي
و لقاء يزهر فرحا بك

محيى زقزوق
ــــــــــــــــــــــــــــــ؛

قلبى ليك مدينة

يا عمرى أنا
ياما تمنيت
اعيش كل
عمرى جنبك
مش بايدي
أبعد عنك
مش بايدي
أختار الزحام
و ابعد عن طريق
عليه معالم خطوتك
تقولى ايه
فى الخطاوى
لما تتعثر منى
على كل باب مدينة
انت مش فيها
و لا فيها عنوان لسكتك
بصارع خطوتى
لاجل اوصل ليك
و ان عجزت اوصل لمدينتك
بتلاقى قلبي بعودتك
أوسع  مدينة
بحبك الف مره
و كل مره بقولها
احس اني جنبك
و مش بعيد عنى حضنك
بعشق الأمل لو كان وصالك
أو كان الأمل يشبهك
و أعشق النظرة منك
لما تكون شاردة بعيد
 و أعشق عينيا
لما يبات ضيها فعنيك
و بعشق البرد في ايدك
لما يسكن دفا ايدي فإيديك
و أسال روحى عليك
ليه روحى بتعشق السفر فيك
ليه قلبي بالحنين مليان ليك
نبضات لمحيى زقزوق