فوكك منى يابن الناس ! لمحيى زقزوق

فوكك مني يا بن الناس
أنا عايشه كده بالإحساس
كفاية دهب كفاية ألماس
كفاية قلبي معاك إنداس
و الإسم واحدة بين الناس
فكك مني يا بن الناس

كرهت هواك المرجيحه

ساعة تطيب خاطر فيا
وساعات بتسيبني جريحه

غلبت أعالج شيء جواك
لكنه صعب و فيك أساس
فوكك مني يا بن الناس

معاك بحس إني تايهه
معاك أنا واحدة تانية
لا فيها حب ولا حنية
حاسه إني زيادة بالدنيا
كل لحظة محكوم عليا
منك يا ظالم بدون قضيه

و تكلمني عن الإحساس
فكك مني يا بن الناس

فكني من سجن نعيمك
مليت من شك جحيمك
لسه بتعيش في قديمك
ولا بفهم إيه هو جديدك
و شعوري خليته مداس
فكك مني يا بن الناس
أنا عايشه كده بالإحساس

مش قابلة منك هدية
و لا لايقه عليك الحنيه

وإنت بتتمنالي أزيه

ما خلاص خلصت عليا
و شايفني دلوقتي خطيه

فكك مني يا بن الناس
لو باقي عندك إحساس

===================
كلمات محيى زقزوق